Proficollege

http://www.1canadianantibiotics.com/

მოდულურ-საგანმანათლებლო პროგრამების დანერგვა

ახალ პროფესიულ კოლეჯში დასრულდა ავტორიზაციასთან დაკავშირებული სამუშაოები. შეტანილი განაცხადის საფუძველზე, დაწესებულებას მიენიჭა ავტორიზაციის მაძიებლის სტატუსი,  ხოლო 26,27 და 28 დეკემბერს განხორციელდა ავტორიზაციის ექსპერტთა ჯგუფის ვიზიტი.
ახალი პროფესიული კოლეჯი ავტორიზაციის პროცესის დასრულების შემდეგ გეგმავს სწავლება განახორციელოს საქართველოს კულტურული მემკვიდრეობის გიდის, ოფისის მენეჯერის და ღონისძიების ორგანიზების პროფესიულ მოდულურ-საგანმანათლებლო პროგრამებზე.

ავტორიზაციის პროცესი

წმინდა ექვთიმე ღვთისკაცის სახელობის პროფესიულ კოლეჯში, რამდენიმე თვეა მიმდინარეობდა სარემონტო სამუშაოები - ახალი ინვერტარისა და ტექნიკის განახლება, სასწავლო გარემოსთვის საჭირო რესურსებით მომარაგება, პარალელურად, ინტენსიურად ვმუშაობთ მოდულური-საგანმანათლებლო პროგრამების დანერგვისათვის.
განახლებულ გარემოს, დამფუძნებლის გადაწყვეტილებით, კოლეჯი ახალი სახელით ხვდება და 2017 წლის 12 ივლისიდან ახალ პროფესიულ კოლეჯად იწოდება.

14 ივნისს კოლეჯში ჩატარდა სემინარი

14 ივნისს კოლეჯში ჩატარდა სემინარი, რომელიც მოიცავდა როგორც თეორიულ, ასევე პრაქტიკულ სამუშაოს ტიხრულ მინანქარში.პედაგოგი ივანე კოკაია.
თეორიულ ნაწილს უძღვებოდნენ: მარიამ გიგანი,რუსუდან სიმონიშვილი,მარიამ ადამაშვილი. მათ წარმოგვიდგინეს ქართული ტიხრული მინანქრის ისტორია,მისი დეკორაციული გამოყენება ხელოვნებაში და დამზადების პროცესის მოკლე მიმოხილვა. სემინარის მსვლელობაში ჩართული იყო ყველა სტუდენტი.პრექტიკული სამუშაოს შესრულებაში მონაწილეობა მოწვეულმა სტუმრებაც მიიღეს.
კმაყოფილებით გვინდა ავღნიშნოთ, რომ მუშაობის პროცესმა და ჯგუფის ჩართულობამ დიდი მოწონება დაიმსახურა.

სამკერვალო ნაწარმის სპეციალობის სტუდენტებმა მოაწყვეს ნამუშევრების გამოფენა

12 ივნისს, კოლეჯის სააქტო დარბაზში სამკერვალო ნაწარმის სპეციალობის პროფესიულმა სტუდენტებმა პედაგოგ ლალი მანთაშაშვილის ხელმძღვანელობით მოაწყვეს ნამუშევრების პრეზენტაცია.
ჩვენება ორი ნაწილისგან შედგებოდა: 
წარმოადგინეს დასრულებული ნამუშევრები და ამავდროულად, შექმნეს სამუშაო პროცესი. წარმოდგენილი სამოსის უმრავლესობას სადღესასწაულო-საქორწინო კაბები შეადგენდა, თუმცა არც ყოველდღიური ტანსაცმელი დარჩათ უყურადღებოდ.
პრეაზენტაციამ წარმატებით ჩაიარა და დამსწრე საზოგადოების დიდი მოწონება დაიმსახურა.