პროფესიული მომზადების/პროფესიული გადამზადების პროგრამების განხორციელების უფლების მიმნიჭებელი საბჭოს 2021 წლის 20 ივლისის და 11–17 აგვისტოს გადაწყვეტილებებით, ა(ა)იპ ახალ პოფესიულ კოლეჯს მიენიჭა უფლება განახორციელოს შემდეგი პროფესიული პროგრამები:
® ქართულენოვანი რელიგიური ტურის გიდი
® საქმისმწარმოებელი
® ტიხრული მინანქრის ნაკეთობების დამზადება
2021 წლის 30 ივლისს, „ახალი პროფესიული კოლეჯის“ საოფისე საქმის პროფესიულ პროგრამაზე წარმატებით დასრულდა საწარმოო პრაქტიკის განხორციელება. სტუდენტებს შესაძლებლობა მიეცათ, საგანმანათლებლო პროგრამის ფარგლებში მიღებული თეორიული ცოდნა აემაღლებინათ პრაქტიკული უნარ–ჩვევებით, რაც თავის მხრივ ხელს შეუწყობს სამუშაო გარემოში მათ ადაპტაციას.
ა(ა)იპ ახალი პროფესიული კოლეჯის საქართველოს კულტურული მემკვიდრეობის გიდის პროფესიულმა სტუდენტებმა წარმატებით დაასრულეს 2021 წლის სასწავლო წლის ზაფხულის სემესტრი და 24–25 ივლისს, მოდულის, – „დასავლეთ საქართველოში ტურის განხორციელების" ფარგლებში, კოლეჯის ადმინისტრაციის ხელშეწყობით, ჩატარდა 2 დღიანი სასწავლო–პრაქტიკული ტური მარშუტით: თბილისი–ქუთაისი–ლანჩხუთი–ბათუმი–თბილისი.
„ახალი პროფესიული კოლეჯის“ საქართველოს კულტურული მემკვიდრეობის გიდის პროგრამის პროფესიულმა სუდენტებმა, 2021 წლის 19 ივლისს, სსიპ ილია წინამძღვრიშვილის სახელობის კოლეჯის სტუდენტებთან ერთად, რეალურ გარემოში დაადასტურეს ორი მოდული – მუზეუმის ტურისა და ღვინის ტურის წარმართვა.
