Proficollege

http://www.1canadianantibiotics.com/

გამოფენა კოლეჯში

საქართველოს საპატრიარქოს წმიდა ექვთიმე ღვთისკაცის სახელობის პროფესიულ საგანმანათლებლო კოლეჯში მემინანქრის სპეციალობის პროფესიულ სტუდენტთა და სასჯელაღსრულების დეპარტამენტის N11-ე არასრულწლოვანთა სარეაბილიტაციო დაწესებულებაში მყოფ მოზარდთა ნამუშევრების გამოფენა მოეწყო. კოლეჯში უკვე მეოთხე წელია ტიხრული მინანქრის შემსწავლელი სახელოსნო ფუნქციონირებს და ყოველი სასწავლო წლის ბოლოს სტუდენტები წარმოადგენენ თავიანთ ნამუშევრებს.

სამკერვალო ნაწარმის სპეციალობის პროფესიულ სტუდენტთა ნამუშევრების ჩვენება

2014 წლის 28 მაისს, წმინდა ექვთიმე ღვთისკაცის სახელობის პროფესიული საგანმნათლებლო კოლეჯში პრეზენტაცია მოეწყო,- სამკერვალო ნაწარმის სპეციალობის პროფესიულმა სტუდენტებმა, თავიანთი შექმნილი თანამედროვე ტანსაცმელი წარმოადგინეს.

სტუდენტების მიერ შეკერილი მოდელები ინდივიდუალური და დახვეწელი ფორმით გამოირჩეოდა. იგრძნობოდა,  ახალგაზრდებმა როგორ  გააცნობიერეს წარმოება და მისი პრინციპები. შეძლეს  თეორიული ცოდნა გამოეყენებინათ პრაქტიკაში.

ანტინარკოტიკული კამპანია და გადაუდებელი დახმარება

საქართველოს საპატრიარქოს წმინდა ექვთიმე ღვთისკაცის სახელობის პროფესიული საგანმანათლებლო კოლეჯში 2014 წლის 7 მაისს საქართველოში მიმდინარე ანტინარკოტიკული კამპანიის ფარგლებში ჩატარდა სემინარი თემაზე: ნარკომპანია თანამედროვე რეალობაში.

სემინარი ჩატარდა კოლეჯის პედაგოგის - ექიმ-თერაპევტ, ქალბატონი ლია ნადარეიშვილის ხელმძღვანელობით.

თემის განხილვისას ყურადღება გამახვილდა იმაზე, თუ რას წარმოადგენს ნარკომანია, რა სახის ნარკოტიკების მიმოქცევა და მოხმარება ხდება მსოფლიოში, როგორია ნარკოტიკების დამღუპველი მოქმედება ადამიანის ორგანიზმზე და რა საფრთხე ემუქრება მომავალ თაობასა და მთლიანად ქვეყანას.

საქველმოქმედო პროექტი ,,წიგნები სკოლებს"

სრულიად საქართველოს კათოლიკოს–პატრიაქი ხშირად ქადაგებს წიგნიერების დონის ამაღლებაზე და ბრძანებს: „ადამიანის პირველი მეგობარი წიგნი უნდა იყოს. ადამიანი უნდა იყოს მწიგნობარი, ჩვენ უნდა ვკითხულობდეთ წიგნებს... მდგომარეობა საგანგაშოა, ბავშვები წიგნების გარეშე იზრდებიან! სწორედ, მისი უწმიდესობის ქადაგებას ეხმიანება წმიდა ექვთიმე ღვთისკაცის სახელობის პროფესიული კოლეჯის პროექტი სახელწოდებით „წიგნები სკოლებს,“ რომლის მიზანი ახალგაზრდებში წიგნიერების დონის ამაღლება და ანალიტიკური აზროვნების ჩამოყალიბების ხელშეწყობაა.